भद्रपुर,प्रस्तावित विद्यालय शिक्षा ऐनकाे विरुद्धमा झापाका शिक्षकहरुले मंगलवार शिक्षा विकास समन्वय ईकाई झापामा धर्ना र ज्ञापनपत्र इकाई प्रमुखलाई बुझाएका छन्।शिक्षक महासंघकाे आयोजनामा भएकाे साे धर्ना कार्यक्रममा जिल्लाका पन्ध्रवटै स्थानिय निकायका शिक्षकहरुकाे सहभागीता थियाे।
नेपाल शिक्षक संघका सचिव देवेन्द्र राजवंशीले सन्चालन गर्नुभएको कार्यक्रममा बाेल्दै नेपाल शिक्षक संघ झापाको अध्यक्ष ताेयानाथ दहालले समग्र शिक्षककाे हितकाे लागि विद्यालयमा अध्यापन गर्न छाडेर धर्ना दिन दु:खद भएकाे बताउनु भयाे भने नेपाल शिक्षक संघ काेशी प्रदेश अध्यक्ष तेजप्रसाद चौलागाईंले शिक्षकमारा ऐनकाे विरुद्ध अझै आन्दोलन चर्किने र याे आन्दोलनमा सबै सराेकारवालाहरुकाे अझै सक्रिय सहभागीता आवश्यक रहेकाे बताउनुभयो ।
साे धर्ना कार्यक्रममा संगठनका द्राेर्ण श्रेष्ठ,एकिकृतका रविन्द्र मैनाली,परिषदका टंक कटुवाल,फाेरमका सिताराम यादव,मन्चका रमाकान्त चौधरी,कर्मचारी परिषदका चन्द्र प्रसाईं र प्रगतिशीलका ज्ञानेन्द्र ढुंगाना लगायतले सम्बाेधन गर्नुभएको थियाे।
प्रतिक्रिया