इटहरी,सुनसरीको पकलीमा शुक्रबार राती चारजना सवार मोटरसाइकल र भारतिय नम्बरको पिकअप ठोक्किएर दुर्घटना हुंदा मोटरसाइकलमा सवार तिनजनाको मृत्यु हुनाको साथै एकजना गम्भिर घाइते भएको सुनसरी प्रहरीले जनाएको छ।
कोशी प्रदेश ट्राफिक प्रहरी कार्यालयको अनुसार भारतिय नम्बरको डब्लु बी ७३ इ ९११७ पिकअपसंग को २९ प ३७१२ नम्बरको मोटरसाइकल ठोक्किदा घाइते भएकाहरुको धरानस्थित बिपी कोइराला स्वास्थ्य विज्ञान प्रतिस्ठानमा उपचारको क्रममा इटहरी १६ बस्ने २६ वर्षिय करण चौधरी,२७ वर्षिय शम्भु चौधरी र २४ वर्षिय अनिनेश चौधरीको मृत्यु भएको हो। दुर्घटनामा २७ वर्षिय प्रेमलाल चौधरी सख्त घाइते भएकाले विराटनगरस्थित गौल्डेन अस्पतालमा उपचार भइरहेको प्रहरीले जनाएको छ।
प्रतिक्रिया