काठमाडौं,शिक्षक सेवा आयाेगले गत जेठ २० गते लिएकाे प्रावि तहकाे प्रथमपत्र वस्तुगत परिक्षाकाे नतिजा सार्वजनिक गरेकाे छ।
काेशी प्रदेशकाे १४ जिल्लाहरूकाे कुल १ हजार ७४५ पदहरुमा १८ हजार ७६१ जनाले परीक्षा दिएकोमा ३ हजार ७५ जना सफल हुनुभएको छ । याे सहभागी परिक्षार्थीकाे १६.३९% हाे।
काेशी प्रदेशकाे ताप्लेजुङ,तेह्रथुम र साेलुखुम्बुमा माग गरिएकाे भन्दा कम परिक्षार्थी सफल हुनुभएको आयाेगले जनाएको छ। ताप्लेजुङमा १२० जना माग गरिएकोमा १०६ जना,तेह्रथुममा ६९ जना माग गरिएकोमा ५६ जना र साेलुखुम्बुमा १२१ जना माग गरिएकोमा ८६ जनामात्र विषयगत परिक्षाकाे लागि छनौट हुनुभएको बताइएको छ।
उता पाँचथरमा १७६ माग गरिएकोमा ३७० जना,इलाममा १८८ माग गरिएकोमा ४५२ जना,झापामा १२८ माग गरिएकोमा ३१८ जना विषयगत परिक्षाकाे लागि सफल हुनुभएको आयाेगले जनाएकाे छ ।
यसरी नै माेरङमा ११० माग गरिएकोमा १८० जना,सुनसरीमा ६० जना माग गरिएकोमा १०१ जना,धनकुटामा १२५ माग गरिएकोमा २५८ जना, भाेजपुरमा ११५ माग गरिएकोमा १८२ जना र संखुवासभामा १७२ माग गरिएकोमा ४७५ जना सफल हुनुभएको आयाेगले जनाएको छ ।
खाेटाङमा ९२ माग गरिएकोमा ११० जना,ओखलढुंगामा १४७ माग गरिएकोमा १६१ जना र उदयपुरमा १२५ माग गरिएकोमा २१६ जना सफल हुनुभएको जनाइएको छ ।
प्रतिक्रिया