विराटनगर,अन्तत नेकपा माओवादी केन्द्र प्रदेश १ को सरकारबाट हटेको छ । नेकपा माओवादी केन्द्रका संसदिय दलका नेता इन्द्र आङ्बो “मौसम”ले आज प्रदेश १ मा हिक्मत कार्की नेतृत्वको सरकारलाई दिएको समर्थन फिर्ता लिएको जानकारी दिनुभयो। यो सँगै प्रदेश सरकार संकटमा परेको छ ।
आजै नेकपा माओवादीबाट मन्त्री बन्नुभएका जीवन शर्माले पनि सरकारबाट राजिनामा दिनुभयो । यसअघि नै जनता समाजवादी पार्टीबाट मन्त्री बन्नु भएको निर्मला तावा लिम्बुले समेत राजिनामा दिइसक्नुभएको छ ।
सरकारलाई समर्थन गर्ने कुनै दलले समर्थन फिर्ता लिएमा विश्वाशको मत लिनुपर्ने हुन्छ । प्रदेश १ मा एमालेको ४० सांसद,काङ्ग्रेसको २९ सांसद,माओवादीको १३ सांसद,राप्रपाको ६ सांसद,नेकपा एसको ४ सांसद र जसपाको १ सांसद रहेको छ। बहुमत पुर्याउन ४७ जना प्रदेश सांसद आवश्यक रहन्छ ।
प्रतिक्रिया