विर्तामोड,विर्तामोड साना शहरी खानेपानी तथा सरसफाइ उपभोक्ता संस्थाको हिजो सम्पन्न अधिवेशनबाट लोकतान्त्रिक राष्ट्रवादी समूहका मेघराज बाँस्तोलाको प्यानलै विजयी भएको छ ।
आज सम्पन्न मतगणनाको अन्तिम परिणामअनुसार अध्यक्षमा बाँस्तोलाले २ हजार ४६६ मत प्राप्त गर्नुहुँदा स्वतन्त्र प्रगतिशिल समूहका देवेन्द्र सिटौलाले ८७६ मत प्राप्त गर्नुभयो । उपाध्यक्ष सचिव र कोषाध्यक्षमा पनि बाँस्तोला समूहकै शैलेन्द्र सिटौला,पारसमणि मैनाली र शारदा रिजाल क्रमश: २ हजार २८,२ हजार ३४४ र १ हजार ५२१ मतसहित विजयी बन्नु हुँदा सिटौला समूहका प्रदिप खरेल,विष्णुप्रसाद चुडाल र विनिताकुमारी राजवंशीले १ हजार १४४,७९० र ५८८ मत प्राप्त गर्नुभयो ।
खुल्ला तथा महिला सदस्यमा पनि बाँस्तोला समूहकै आनन्द गुरुङ,खगेन्द्रकुमार थापा तथा मायादेवि प्रधान,बालादेवि खरेल तथा कमला अग्रवाल क्रमश: १ हजार ८१६,१ हजार ५९६ तथा १ हजार ९१४,१ हजार ८७६ र १ हजार ८४४ मतसहित विजयी बन्नुभयो भने सिटौलासमूहका छत्र बहादुर श्रेष्ठ, सुनिल शिवाकोटी तथा तारादेवि राई,पुनम अधिकारी लिम्बु र खगमाया सिलवालले ८८०,७०७,९९३,९८४ र ९३३ मत प्राप्त गर्नुभएको बताइएको छ ।
प्रतिक्रिया