ताप्लेजुङ,ताप्लेजुङको आठराइ त्रिवेणी गाँउपालिका वडा नं ३ हाङपाङमा गतराती कालिजकाे सिकार गर्ने क्रममा भरुवा बन्दुककाे छर्रा लागेर एकको मृत्युु भएकाे छ।
जिल्ला प्रहरी कार्यालय ताप्लेजुङको प्रहरी निरिक्षक कुशराम कार्कीकाे अनुसार मृत्यु हुनेमा आठराई त्रिवेणी-३, हाङपाङका ५८ वर्षिय ललित गुरुङ हुन्। साेमबार राति १० बजेतिर कालिजकाे सिकार गर्ने क्रममा कालिदह जंगलमा भरुवा बन्दुकको छर्रा लागेर उनकाे घटनास्थलमै मृत्यु भएकाे हाे।
घटनालगत्तै भरुवा बन्दुक चलाउने ५२ वर्षिय वीरबहादुर गुरुङलाई हाङपाङ प्रहरी चौकीबाट खटिएको प्रहरीले भरुवा बन्दुकसहित नियन्त्रणमा लिएकाे जनाएको छ।
प्रतिक्रिया