काठमाडौं,दुवइमा जारी आईसीसी विश्वकप क्रिकेट लिग टु प्रतियोगितामा आज नेपालले युएईलाई ४२ रनले हराउदै यसअघिको पराजयकाे बदला लिएकाे छ।याे जितसंगै नेपाल लिगकाे अंकतालिकामा पाँचौं स्थानमा उक्लिएकाे छ।
दुवइ इन्टरनेशनल क्रिकेट स्टेडियममा टस जितेर ब्याटिङ राेजेकाे नेपालले निर्धारित ५० ओभरमा ८ विकेट गुमाउँदै २२९ रन बनाएको थियाे।जवाफमा युएई ४५ ओभरमा अलआउट हुँदै १८७ रनमा समेटियो ।
साेमपाल कामी र दिपेन्द्र सिंह ऐरीले समान ३/३ विकेट लिएको साे खेलमा युएईका ओपनर आसिफ खानले ११५ बलमा २चौका र ३ छक्का सहित ८२ रन जाेडे।
यसअघि नेपालकाे लागि युवा ब्याटर भिम सार्कीले ९९ बलमा ७ चौकासहित ७० रनको याेगदान गर्दा आरिफ शेख ४३ रन,कुशल मल्ल ३२ रन,सन्दिप लामिछाने २७ रन तथा ज्ञानेन्द्र मल्लले ११ रन जाेडे।
उता युएईका जुनैद सिद्धिकले ३ विकेट तथा राेहन मुस्तफा र आर्यन लाक्राले समान२/२ विकेट लिए ।विश्वकपमा स्थान बनाउन अब नेपालले ४ खेल तथा एकदिवसीय मान्यता पाउन दुई खेल जिते पुग्नेछ ।आगामी खेलहरु नेपाल,युएई र पपुवा न्यूगिनी बिच नेपालमा हुनेछ।
प्रतिक्रिया