पाँचथर,पाँचथरकाे हिलिहाङ-७,भारपामा आज दिउँसो भएको आगलागीमा परेर २ बालकको मृत्यु भएको छ।मृत्यु हुनेमा शरण पन्धाकका ५ वर्षिय छाेरा सेसेहाङ पन्धाक र सन्ताेष खातीकाे ४ वर्षिय छाेरा निशान खाती रहेका छन्।
हिलिहाङ-७,यवाडाडाकाे प्रेम पन्धाककाे घरमा दिउसो २बजे भएको आगलागी हुदा छिमेकी शरणकाे छाेरा सेसेहाङ र साेहि घरमा बस्ने निशान खातीकाे जलेर मृत्युु भएको वडाध्यक्ष धनकुमार लिम्बूले बताए।
दिउँसो अभिभावकहरु काेहि नभएको र दुई बालक मात्रै भएको अवस्थामा आगलागी भएको र आगलागीकाे कारण थाहा नभएको बताइएको छ।घर पूर्णरूपले जलेर नष्ट भएको तथा मृतकहरुकाे शव जलेर चिन्नै नसकिने अवस्थामा माथिल्लो तलामा भेटिएकाे वडाध्यक्षले बताए।
घटनाकाे जानकारी पाएपछि प्रमुख जिल्ला अधिकारी ठाकुर गैह्रे र प्रहरी नायव उपरीक्षक हरि खतिवडा घटनास्थल पुगेको जनाइएको छ।
प्रतिक्रिया