पाँचथर,फाल्गुनन्द गाउँपालिकास्तरिय राष्ट्रपति रनिङ शिल्ड खेलकुद प्रतियोगितामा जयनारायण आदर्श मावि मेहेलबाेटे १० स्वर्णसहित प्रथम भएको छ।
फाल्गुनन्द गाउँपालिकाकाे १० माविले सहभागीता जनाएको साे खेलकुद प्रतियोगितामा जयनारायण आदर्श माविले १० स्वर्ण ६ रजत र ८ काश्यसहित २४ पदक प्राप्त गर्दा दाेस्राे स्थानकाे घुर्विसे पन्चमी माविले ६ स्वर्ण ३ रजत २ काश्यसहित ११ पदक जित्याे।उता तेस्रो स्थानकाे जनकल्याण मावि कोल्बुङले ४ स्वर्ण ३ रजत र ४ काश्यसहित ११ पदक जित्यो ।
सिद्धदेवि मावि नवमीडाडाले ३ स्वर्ण ८ रजत ४ काश्यसहित १५ पदककाे साथ चौथाे हुंदा सत्यहाङ्मा मावि इम्बुङले ३ स्वर्ण ३ रजत २ काश्य सहित ८ पदक जितेर पाँचौं ,ज्याेति माविले २ स्वर्ण ३ रजत १ काश्यसहित ६ पदक जितेर छैठौं ,सारताप माविले २ स्वर्ण १ रजत २ काश्यसहित ५ पदककाे साथ सातौ ,जलासिंह माविले ५ रजत ७ काश्यसहित १२ पदक जितेर आठौं स्थान र सिद्धेश्वरी मावि सुर्केनागीले १ रजत र सिद्धेश्वरी मावि चिलिङदेनले १ काश्यसहित अन्तिम स्थान प्राप्त गरे।
प्रतिक्रिया