फिदिम,पाँचथर फिदिममा रुखबाट र भिरबाट लडेर दुईजनाको मृत्यु भएकाे छ। मृत्यु हुनेहरुमा फिदिम-१३,लुङरुपाकाे ३८ वर्षिय मनाेज नेम्वाङ (साेम) र कुम्मायक-३ का ३९ वर्षिय गजेन्द्र सम्बाहाम्फे रहेकाे प्रहरीले जनाएको छ।
जिल्ला प्रहरी कार्यालय पाँचथरका अनुसार लुङरुपाकाे नेम्वाङकाे फिदिम-७ स्थित नाङलापाकाे भिरबाट लडेकाे जनाइएको छ भने सम्बाहाम्फेकाे घाँस काट्ने क्रममा फिदिम-५मा रुखबाट लडेकाे बताइएकाे छ।रुखबाट झरेर गम्भीर घाइते भएको सम्बाहाम्फेकाे उपचारको लागि अस्पताल ल्याउदा ल्याउदै बाटोमा मृत्यु भएकाे जनाइएको छ।
मृतक दुवैजनाकाे लास पाेष्टमार्टमपछि आफन्तलाई बुझाइएको प्रहरीले जनाएकाे छ।
प्रतिक्रिया