यी हुन् धरानका उषा हत्या प्रकरणमा पक्राउ परेका चारजना आराेपितहरु

धरान,सामुहिक कुटपिटबाट मृत्यु भएकि धरानको एकल महिला उषा राई हत्या प्रकरणमा चारजनालाई पक्राउ गरिएकाे छ भने थप तिनजना फरार छन्।

पक्राउ पर्नेहरुमा धरान-१३ काे ५५ वर्षिया उर्मीला राई,२६ वर्षिया सुमित्रा राई,धरान-१७ काे २९ वर्षिया सुसेली राई र ४० वर्षिय रत्न लिम्बु रहेकाे प्रहरी कार्यालय धरानका डिएसपी बुद्ध श्रेष्ठले जानकारी दिनुभयाे।

आफ्नाे श्रीमान गाेविन्द राईसँग सम्बन्ध रहेकाे भन्दै स्थानिय जनजागृती महिला समूह बाेलाएर कुटपिट गरेकाे कारण उषा राईकाे निधन भएकाे थियाे।

उषाकाे मृत्युपछि उषाकाे परिवारले पक्राउ परेका चारजना सहित स्थानिय सिर्जना राई,नीरकुमारी गुरुङ र मीना राई विरुद्ध किटानी जाहेरी दिएकाेमा फरार रहेकाे प्रहरीले जनाएकाे छ।