काठमाडौं,यहि मंसिर ४ गते हुने प्रतिनिधि सभाकाे निर्वाचनमा काठमाडौ-१ बाट २०७४ सालमा झै पुन: एकपटक नेपाली काङ्ग्रेसको प्रकाशमान सिंह र राष्ट्रिय प्रजातन्त्र पार्टीको रविन्द्र मिश्र आमनेसामने हुदैहुनुहुन्छ।तर परिस्थिति र समय यसपटक सिंहकाे अनुकुल र मिश्रकाे प्रतिकुल देखिएकाे छ।
काठमाडौं महानगरपालिकाकाे १०,११,२९ र ३१ वडा समेटिएको काठमाडौं -१ मा गत स्थानीय निर्वाचनमा ३ वडा नेपाली काङ्ग्रेसले र १ वडा नेकपा एमालेले जितेकाे थियाे। मिश्रकाे राप्रपाका वडाध्यक्षहरुले मात्र १,२९० मत ल्याउदा सिंहकाे नेपाली काङ्ग्रेसको वडाध्यक्षहरुले ९,९१५ मत,एमालेले ९,५७१ मत नेकपा माओवादी केन्द्रले १,१५९ मत र बिवेकशिलले १४६ मत तथा लाेसपाले ५४ र जसपाले २७ मत पाएका थिए ।
याे तथ्यांकअनुसार सिंहकाे पक्षमा ११,१२८मत, एमाले जसपाकाे ९,५९८ मत र राप्रपाकाे १,२९० मत देखिन्छ ।राप्रपा र एमालेका मत जाेड्दा पनि सिंह ४४० मतले अघि र नजाेड्दा झन्डै १०,००० मतले मिश्र भन्दा अघि छन् जबकि वडा नं ३१ मा नेपाली काङ्ग्रेसको वडा सदस्यहरुले वडाध्यक्ष भन्दा झण्डै १,५०० मत बढी ल्याउनुभएकाे छ जुन मत प्रकाशमान सिंहलाई जाने हाे भने मतान्तर अझै बढ्न सक्छ।
वडागत हेर्दा वडा नं १० मा नेपाली काङ्ग्रेसको ३,४२८,एमालेकाे १,९५३,माओवादीकाे २४३,राप्रपाकाे २०३ र विवेकशीलकाे ५३ मत रहेकाे र वडा नं ११मा नेपाली काङ्ग्रेसको १,५५५ मत,एमालेकाे ९५० मत,माओवादीले १६६ मत,राप्रपाले २५२ मत,विवेकशील १४ र लाेसपाले ४० मत पाएकाे छ।
उता वडा नं २९ मा नेपाली काङ्ग्रेसको १,९४१ मत,एमालेकाे १,८७१ मत,माओवादीले १०४ मत र राप्रपाले २१० मत पाएकाे छ भने वडा नं ३१ मा नेपाली काङ्ग्रेसको २,९९१ मत,एमालेकाे ४,१०७ मत,माओवादीकाे ६४६ मत,राप्रपाकाे ५८५ मत,विवेकशीलकाे ७९ मत,जसपाकाे २७ र लाेसपाले १४ मत ल्याएका छन्।
प्रतिक्रिया