रीता थाम्सुहाङ/फिदिम,एकमात्र प्रतिनिधि सभा सदस्य निर्वाचित हुने पूर्वकाे पाँचथर जिल्लाबाट प्रतिनिधि सभामा उम्मेदवारी दर्ता गराउनुभएका उम्मेदवारहरुकाे मनाेनयनबारे निर्वाचन अधिकृतकाे कार्यालयले जाँचकाे लागि उम्मेदवारहरुलाई निर्वाचन अधिकृतकाे कार्यालयले बाेलाएकाे छ।
आगामी मंसिर ४ गते हुने प्रतिनिधि सभाकाे निर्वाचनमा पाँचथरबाट ४ स्वतन्त्र सहित १५ जनाले उम्मेदवारी दर्ता गराउनु भएकाे छ। लाेकतान्त्रिक बाम गठबन्धनका साझा उम्मेदवार काे रुपमा फाल्गुनन्द-१का संविधानसभा सदस्य तथा नेपाली काङ्ग्रेसका केन्द्रीय सहमहामन्त्री भिष्मराज आङदेम्बे र नेकपा एमालेका केन्द्रीय सदस्य बसन्त कुमार नेम्वाङ फिदिम-१का हुनुहुन्छ ।
यसरी नै संघिय लाेकतान्त्रिक राष्ट्रिय मन्चबाट याङवरक-६का जसबहादुर याेङहाङ,राप्रपाबाट कुम्मायक-३का कमलबहादुर चेम्जोङ,नेकपा (माले)बाट कुम्मायककै दिनानाथ घिमिरे राप्रपा नेपालबाट फिदिम-४ का मदन कुमार पाेख्रेल,मंगाेल नेशनल अर्गनाइजेसनबाट फिदिम-६ का राजकुमार तुम्राेक, राष्ट्रिय स्वतन्त्र पार्टीबाट हिलिहाङका दल प्रसाद लिङदेन हुनुहुन्छ।
उता राष्ट्रिय जनमुक्ति पार्टीका नरेन्द्र प्रसाद कुरुम्वाङ,जसपाबाट फिदिमका प्रेमराज लावती र जन समाजवादी पार्टीबाट भिम बहादुर तामाङ हुनुहुन्छ ।
स्वतन्त्र उम्मेदवारहरुमा हिलिहाङ-३ का लाख बहादुर पालुङ्वा,फिदिमका विष्टन लावती,फाल्गुनन्दका दल बहादुर आङदेम्बे र अर्का स्वतन्त्र उम्मेदवार बालकृष्ण काफ्लेको उम्मेदवारी दर्ता भएकाे जनाइएको छ।
प्रतिक्रिया