नाेगेनहाङ लिम्बू /फिदिम,जेभालेमा दशैकाे अवसरमा सन्चालित फुटबल प्रतियोगितामा आज आयाेजक दशमी,बाेइज युनियन फालेलुङ,मजाफलुङ फिदिम,एसएफसी रानिटार,चाेम्जुलुङ सेवा समाज र जेवाइसी फिदिम आआफ्नो खेल जित्दै अर्को चरणमा प्रवेश गरेका छन्।
आजकाे खेलमा आयाेजक दशमीले राइज रानीटारलाई ८-० ले हराउदा बाेइज युनियन फालेलुङले लुङरुपा स्पाेर्टिङलाई पेनाल्टी सुटआउटमा ४-३ ले हरायो । मजाफलुङ यलम्वर फिदिमले माबु इलामलाई १-० ले हराउदा एसएफसि रानीटारले बाबुङ्गा फिदिम-११लाई ४-० ले हरायो ।अर्को खेलमा चाेम्जुलुङ सेवा समाजले चर्च बाेइज फिदिमलाई ४-३ले हराउँदै अर्को चरणमा प्रवेश गर्दा जेवाइसि फिदिमले न्यु स्टार फालेलुङ-८लाई पेनाल्टी सुटआउटमा पाखा लगायाे।
महिलातर्फकाे एकमात्र खेलमा आयाेजक दशमीले फालेलुङ एफसीलाई १-० ले हराउँदै अर्को चरणमा प्रवेश गरेकाे आयाेजककाे तर्फबाट गजेन्द्र राईले हिलिहाङ डटकमलाई बताउनु भयाे।
गत असाेज १७ गतेदेखि सन्चालित साे फुटबल प्रतियोगितामा पुरुषतर्फ ३८ टिम र महिलातर्फ १३ टिम सहभागी छन् भने पहिलो पुरस्कार रु १,२१,१११/- रहेकाे बताइएको छ।
प्रतिक्रिया