रीता थाम्सुहाङ/काठमाडौ, अन्तत: लाेकतान्त्रिक गठबन्धनको दलहरुबिच यहि मंसिर ४ गते हुने प्रतिनिधि सभा तथा प्रदेश सभा निर्वाचनमा सिट बाँडफाँडको लामाे रस्साकस्सी पछि मिलेको छ।प्रदेश १ काे २८ प्रतिनिधि सभाकाे सिटबाँडफाँडमा नेकपा माओवादी केन्द्र र नेकपा एकीकृत समाजवादीले क्रमश: ८ र २ सिट प्राप्त गरेका छन्।बाँकी १८ सिटमा भने नेपाली काङ्ग्रेसको उम्मेद्वार हुनेछन् ।
नेकपा माओवादी केन्द्रले ताप्लेजुङ,झापा-२,माेरङ-४,माेरङ-५, सुनसरी-१,भाेजपुर,साेलुखुम्बु र खाेटाङमा आफ्नाे उम्मेदवार उठाउने छ भने नेकपा एकिकृत समाजवादीले इलाम-१,र उदयपुर-२मा वरिष्ठ नेता झलनाथ खनाल र जगन्नाथ खतिवडालाई उम्मेदवार बनाउनेछ ।
प्रदेश सभा सदस्यकाे ५६ सिटमा भने नेकपा माओवादी केन्द्रले १७ सिट र नेकपा एकिकृत समाजवादीले ११ सिट तथा नेपाली काङ्ग्रेसले २८ सिट लिने गरि सहमति भएको जनाइएको छ।
प्रतिक्रिया