नाेगेनहाङ लिम्बू /फिदिम,जेभाले फिदिम-१३ मा विजया दशमीकाे अवसर पारेर संचालित माेफसलकाे सर्वाधिक पुरस्कार रहेकाे दशमी मेला ओपन फुटबल प्रतियोगितामा इलाम माबु,बाबुङ्गा फिदिम-११ र लुदिन फालेलुङ आआफ्नो खेल जित्दै अर्को चरणमा प्रवेश गरेका छन्।
आजकाे खेलमा पुरुषतर्फ इलाम माबुले त्रिवेणी युवा समूह फिदिम-१३ लाई ३-१ ले र बाबुङ्गा फिदिम-११ ले छिन्तापु सेवा समाजलाई १-० ले हरायाे।महिलातर्फ लुदिन फालेलुङले लुङरुपा स्पाेर्टिङलाई १-०गाेलअन्तरले हराएकाे आयाेजककाे तर्फबाट गजेन्द्र राईले हिलिहाङ डटकमलाई बताउनु भयाे।
हिजाेकाे खेलमा पुरुष र महिला दुवैमा दशमी मेला आयाेजक बी विजयी बनेका छन्।पुरुषतर्फ आयाेजक बीले शिखर सामुदायिक संस्था फिदिम-१३ लाई ३-१ ले र महिलातर्फ आयाेजक बीले शिखर सामुदायिक कृषक संघलाई ५-३ ले र चुम्जुलुङ सेवा समाज फालेलुङ-८ ले आयाेजक सी लाई १-० ले हराउदै अघिल्लो चरणमा प्रवेश गरेका छन्।
पुरुषतर्फ पहिलाे र दाेस्राे हुनेले क्रमश:रु १,२१,१११/- र ६१,०००/- तथा महिलातर्फ पहिलाे र दाेस्राे हुनेले क्रमश:३०,०००/- र २०,०००/- नगद सहित मेडल र प्रमाणपत्र प्राप्त गर्ने छन्।
पुरुषतर्फ ३८ टिम र महिलातर्फ १३ टिमकाे सहभागीता रहेकाे आयाेजककाे तर्फबाट गजेन्द्र राईले हिलिहाङ डटकमलाई बताउनु भयाे।
प्रतिक्रिया