रीताथाम्सुहाङ/हिलिहाङ,पाँचथर ,११असाेज,पाँचथरका अकबरे खुर्सानी उत्पादक किसानहरुले अकबरे खुर्सानीकाे उचित मूल्य नपाएकोले याे दशै राम्रोसँग मनाउन नपाउने गुनासाे गरेका छन्। अघिल्लो वर्षसम्म प्रतिकिलो सरदर रु२८०/-मा विक्रीभएकाे कारण मनग्गे कमाई गर्न सफल हिलिहाङका किसानहरु अकबरे खाेर्सानीकाे खेतीमा आकर्षित भएका थिए ।
हिलिहाङ गाउँपालिकाकाे वडा नं १,२,३,४,५,६ लगायतका वडाहरु अकबरे खुर्सानीकाे पकेट क्षेत्र मानिन्छ ।व्यावसायिक अकबरे खेती गर्नुहुने हिलिहाङ-३,साम्रेका उत्तम सेवाहाङका अनुसार हाल अकबरे खाेर्सानीकाे सरदर मूल्य प्रतिकिलो रु ८० काे हाराहारीमा छ।उहाँको अनुसार झापा लगायतको बजारमा राम्रै मूल्य भएतापनि बिचौलियाकाे कारण कम मूल्य पाएर किसानहरुलाई दशै मनाउन कठिन भएकाे छ।
स्थानीय सरकार तथा सराेकारवाला एवम् कृषि सहकारीले किसानहरुलाई उन्नत विउविजन ,मल ,प्रविधि तथा बजार व्यवस्थापनमा सहयाेग गर्नु पर्ने आवश्यकतालाई सबैले महसुस गरेकाे जनाइएको छ।
प्रतिक्रिया