सल्लेरी सुभाङ सडककाे कन्तविजाेग,प्रदेश ,संघिय र स्थानीय सरकारकाे नजरअन्दाज ।

खेसेहाङ लिम्बू ,सुभाङ,२६ भदौ ,गाउँपालिका केन्द्र पन्चमी र सल्लेरी जाेड्ने पाँचथरका हिलिहाङ गाउँपालिकाकाे सल्लेरी सुभाङ सडककाे समयमा नै मर्मत नहुँदा सुभाङ क्षेत्रका जनताहरुले कन्तविजाेग र सास्ती खेप्नुपरेको छ।हिलिहाङ -७ र हिलिहाङ -५ का जनताहरुकाे दैनिक जीवनयापनकाे आधार मानिएकाे साे ग्रामीण सडककाे निम्ति केन्द्रीय र प्रदेशस्तरिय बजेट विनियोजन भएकोले स्तराेन्नती गरिएकाे थियो ।
सिङ्गो गाउँपालिकामा एकलौटी सरकार चलाउँदा समेत ५ बर्षमा एक किलोमिटर सडक पीच नगरेकोले यसरी सास्ती खेप्नुपरेको एक माेटरसाईकल चालकले हिलाम्मे हुँदै धारे हात लगाउदै हिलिहाङ डटकमलाई नाम उल्लेख नगर्ने सर्तमा बताए ।उनले आगामी मंसिर -४गते हुने संघ तथा प्रदेश सभाकाे चुनावमा यस भेगका जनताले याे कठिनाइकाे हिसाबकिताब खाेज्ने बताए ।
यसरी प्रत्यक्ष जनताकाे दैनिकीसँग जाेडिएकाे ग्रामीण सडककाे मर्मत सुधारकाे लागि स्थानीय सरकार तथा सराेकारवालाहरुकाे समयमा नै ध्यान दिन आवश्यक देखिन्छ ।